識我既人都知道我工作係Audio Engineer (中文係咪叫混音師?但係我又錄又混咁點計......)
之前個blog一直都有講下d技術性既topic
不過呢兩年工作量暴漲完全無空去再po文
為自身著想.......而家要學下唔好太沉迷工作
不過由於工種比較特別
工時又怪
所以平日有好多事想同人分享都無人明無人聽
而家中既細路開始頂我唔順
咁只好開番個blog吹下啦
順便俾d對音樂有興趣既人知道下多d info
Anyway今日講下究竟點解美國既Studios係技術層面比較先進
(拿呢個唔係我講架........係好多人講過再加埋我自己多年觀察既結論)
首先美國人口多當然係一個因素
而美國文化講自由多完同創意
令音樂發展更多(量多自然種類都多)
我自小係香港長大都係聽流行曲大
細個唔識都係主要聽歌詞melody咁
而家大個左聽多左好多歌
覺得canton pop歌詞同編曲都幾好
有好多仲比外國某d流行曲好(只要聽得多你就發現好多歌只係不斷loop......)
但係因為錄音泥音有budget時間限制
聽落就無咁Polished
就好似飲緊一煲未夠火喉既老火湯咁.......d味唔夠出
我記得有一次同我老細(即係我Studios既Lead Engineer)講開亞洲音樂
佢話
只要聽下而家係亞洲最流行既top 10
你大概都估到之前個20年流行既mixing style
呢個我都無可否認
係我工作呢幾年聽咁多歌
己經有好多唔同既mixing trend出現
但如果我而家聽一d香港台灣既流行歌
同十年前我聽個d......d mix既分別就無咁大
當然我仲會聽番以前細個既歌
因為個d歌係有好多回憶
好多舊歌你一聽到個好cheesy既MIDI你個心就諗
點解我以前會聽呢首歌呢........
但係當你聽到個歌詞同melody你就會不自覺回憶聽呢首歌既日子
有時我會諗.......如果我係香港做engineer
我既mixes會唔會好唔同呢........
No comments:
Post a Comment